الصيدليه الملعونه (١)

 كاي صيدلي جديد فريش حديث التخرج معفم بالامل والحماس والكثير من الاحلام ..بدات ادور علي شغل

وكانت البداية في صيدليه قريبه للبيت ..صيدليه صغيره قلت اسخن فيها كده ...اول سكه المجد بقي وكده ياعني...

بعد ماقرات اعلان بيطلبو فيه صيدلي قدمت واتقبلت واشتغلت في نفس اليوم...طبعا كنت فاكر اني جامد تنين ..بس اتضح فيما بعد اني غلطان

حذروني ان كل اللي بيشتغل في الصيدليه دي دماغه بتضرب بس انا كنت مصمم اخوض التجربه ...مفيش الا اتنين دكاتره بس هما اللي صمدو وشفتهم بليل انما انا كنت الصبح

في اول يوم ليا بفتح الصبح وكنت لوحدي

ودخل عميل ودار الحوار الاتي

-عندك بنادول

-عندي اتفضل 

-بكام؟

-ب ١٢ج

-ماينفعش ب ٥ ج..انا بجيبه ب ٥ج

-لا والله ماينفعش

-طيب ب ٦ج ماشي؟

-لا برضه ماينفعش

-امال بكام؟

-ب ١٢ج

-برضه؟ده انت شاطر اوي يادكتور

-اة برضه..حش بالكوبايه اللي بعد ..انا زبون المحل ومابجبش الا منها...بيبع قماش انا

-انت مش عايز تبيع شكلك ده صاحب الصيدليه بليل بيدهولي ب ٤ بس انا قلت اجيب دلوقتي بالمره

-لا والله مش هينقع

-انت جديد هنا؟

-اة جديد

-ااااااة عشان كده بقي...فرصه سعيده يا اووستااز..اسم الكريم ايه؟

-اسمي يوسف وانا دكتور مش اوستاز

-مالك يادوكتووور داخل حامي علينا كده..تعاملك وحش علي فكره

-معلش

-ماشي ..سلامو عليكم

.........

جريت بسرعه علي الكابوتين  وظرفت نفسي قرص تحت اللسان قبل ما الضغط يضرب يوقع عنيا بره

ولسه مافوقتش دخل عميل تاني

-عندك بنادول؟

-ااة عندي ومفيش خصم هو ب ١٢ج

-طيب طيب الفلوس اهي حد قالك اني هاخد من غير فلوس براحه شويه..اتفضل

هديييييت ايوه بقي ...كده نتكلم للصبح بقي..قلتله اتفضل انا اسف اصل كان في واحد قابلك وبيفصالني وحضرتك دخلت بعده ..اسف

-ولا يهمك..اخده ازاي بقي؟

-قرص ٣ مرات بعد الاكل

-تمام ياعني بعد الفطار والغذاء والعشاء

-تمام حضرتك

-ياعني بعد الاكل ياعني؟

-تمام

-و٣ مرات...لازم ٣ مرات؟

-ياعني ده حد اقصي ..خليه عند اللزوم قرص

-عند اللزوم ولا ٣ مرات حيرتني يادكتور؟

-مافيش تعارض..لما تحس بصداع خد قرص وماتاخدش اكتر من ٣ في اليوم

-اها..ياعني لحد ٣ امن؟

-تمام

-طيب ٢ قرص امن؟

-اكيد مادام ٣ امن يبقي ٢ امن..

-طيب اخليها ٢ وخلاص؟

-ماشي

-اخر كلام ٢ ولا ٣ انا اتلخبطت

-٣مرات كل ٨ ساعات لما الصداع يروح

-طيب ممكن تكتبلي

اهوووو...

-طيب ازاي ٣ مرات وكل ٨ ساعات؟

-ايوه ما اليوم ٢٤ ساعه..معلومه جديده دي انا عارف يبقى كل ٨ ساعات قرص 

-اهااا...

-تمام فهمت ياعني كل ٨ ساعات وبعد الاكل ...الموضوع بسيط

-قول لنفسك

-افندم؟

-لا اقصد اقول ما من الاول ياعني

-تمام تمام....ماينفعش قبل الاكل؟

-هو مين اللي ماينفع قبل الاكل؟

-البنادول يادكتور البنادول

-لا ماينفعش

-ليه؟

-مضر للمعده

-ده انا معدتي بتوجعني من غير حاجه

-خلاص خده بعد الاكل مش هيحصل حاجه

-انا خاف يحصل

-مش هيحصل حاجه صدقني

-علي ضمانتك 

-ايوه

تمام.....وسكت شويه.....لا لا انا قلقان خلاص يادكتور ...اديني الفلوس بعد اذنك

وفي لمح البصر ...شريط ذكريات اليوم المهببه بيعدي مره واحده ...بمد ايدي اجيب الفلوس...انا بيحصل فيا كده....ل...يييي..ةة

دراعي وقع ..بوقي اعوج 

مفاصلي ساحت وارتاحت وروحى راحت

بكلم نفسي من جوة وبرغي من برة ساكت...............

تمت 

Share on Google Plus

About محمد سعود

This is a short description in the author block about the author. You edit it by entering text in the "Biographical Info" field in the user admin panel.