دي شغلانتي في الحياه...
اطلع المضاد الحيوي واطلع المذيب بتاعه معاه
ده العبد لله ..مسك الحديد تناااااه
الله الله الله
عظمه علي عظمه ياجووووووو 😁😁"
بهذه الكلمات المشجعه وبهذا المحاوله الفاشله لتاليف شعر بدات يومي وانا باخد نفسين من سمسون ملفوف لفه عود البطل!ماركه اديك تقول ماخدتش .."وللي مايعرفش الماركه دي ...هي دي تقدر تقول عليها وان مان شو الحشيش في مصر.."
وذلك في اطار الاجراءات الوقائيه والتدابير الامنيه الاضطراريه اليوميه الغير عاديه ضمن قرارات كتيره خدتها منبثقه من تجارب كتير خضتها........"كنت هقول ايه؟نسيت"
ااااة..نازل الشغل فلازم اعدل دماغي واهيئها عشان تقدر تستحمل ₩ القرف والزهق والغباء اللي بنشوفهم يوميا من اول ماتنزل الشارع لحد ما تروح بعد عراك ١٢ ساعه في الشغل!!
ياكده يا اما هتلاقي نفسك فريسه لطغمه من الاوغاد اللي بيستهلكو اعصابك ومشاعرك في مواقف تستنزفك
او هتلاقي مخك مابيبطلش تفكير لحد ما يبدا يسال اسئله وجوديه زي هل انت سعيد؟هل انت ناجح؟اي اسئله المهم يعكنن عليك
احنا نعدي يومنا كده...يامسهل ...قفلت باب الشقه ونازل علي السلم ..."خلاص انا مستعد للعالم"...تقوليش لابس حزام ناسف...ايه الاوفر ده
ركبت العربيه ...شغلت ميوزك.....ومع ظهور المزز بدات اغني مع الاغنيه:-
الواد عنيه حلوين كده ليه
مين قده ياناس
ده انس
ولا جن
.....
طب اللالالالاه
اخر مقطع ده مكنش من طالع مني بنغمه الاغنيه لا
ده كان طالع بنبره واحد داخل علي نوبه صرررع لاني لقيت عربيه كاااارو فجاه قرر انه يقطع الشارع بالعرض ليصل لمبتغاه ..الا وهو اليو تيرن اللي هي اساسا مخرج مش مدخل....
طبعا لو في الاحوال العاديه كان زماني نزلت من العربيه ونال لساني من شرف الوالد والوالده اللي سايق العربيه دي
وهما تبرز اهميه تبرز اهميه ماركه اديك تقول ماخدتش وتتفرد عن باقي الماركات ...هي انك دايما بتاخد بس بيهيئك اليك انك مخدش فعادي بقي
انا نزلت وبمجرد الفحص الاولي والنظر الاولي اتضح ليا ان العربيه دي هي عربيه خشب ملزوق فيها حصان وقاعد فوقها حمار
حمار اهو نفس الاذنين نفس البق المفتوح الابله
..حمار
وهنا حلت الدهشه مكان الغضب..ازاي الحمار سايق الحصان وهل ده لعنه ما؟
هل ده كان شخص داس علي ديل قطه مثلا فاتحول حمار
كل دي افكار دارت في دماغي بس بمجرد ما الكائن ده اتكلم
انا وقعت من الضحك
انا كنت شايف حمار وبيتكلم زي الافلام الكرتون كده
الله حلو عالم سمسم اللي انا وقعت فيه ده
هو طبعا مكنش فاهم انا بضحك ليه ولا حد كان فاهم...انا كنت فاهم😁
ركبت العربيه تاني ...وصلت الصيدليه....
لوهله فكرت ان اثر السمسون الاول ممكن مفعوله يكون راح ومحتاج اضرب واحد تاني عشان اقد استحمل...زي البنج كده بالنسبه للعمليات😁
وبعدين قلت بلاش احسن اهيبر والطوبه تيجي في المعطوبه واترفد والله اعلم بالي ممكن يحصل تاني
خدت القرار هاضرب واحد تاني...ايوه انا خدت القرار..."السادات استايل"
هاهاهاها..نيااااههه هعهعهع
دي كده كانت بمثابه سلامو عليكم وانا بفتح الباب وبدخل...
وقابل القوم تحيتي
هاااهاااهااا نياااههه هعهعهع
ماقصروش معايا الصراحه...عارفين اللي فيها بقي😁😁
بدا التسخين
شريط فبياتولبببتان....ايوه كيتوفان
علبه دحساميكوزون....ايوه ديسكاميثازون
فوار ورك الاسد...ايوه يوروسولفين
شويه برديات مصريه من دكاتره فراعنه متخرجين من كليه (طب-صوره-راع)
شويه في دوا مش عارفه...عايزه..اتصرف انت من دكتور
شويه عايز دوا الضغط والسكر بتاعي...وريني الادويه لما اختار
شويه..كل ماطلب حاجه ملاقيهاش
شويه ..فين الخصم يادكتووور..مفيش؟مع السلامه يااوستااااااززز
طبعا ده في الاحوال العاديه كان زماني في السجن بعد ماكون غزيت حد من الباقات بتاع شويه اللي فوق دول ولكن مع ماركه اديك تقول ماخدتش كان الوضع تحت السيطره
وفجاه
دخل عميل له ملامح غليظه طويل المنكبين عريض الافقين يرتدي بدله وكرافته يبدو من ملامحه الجديه والقوه
ساب كل اللي واقفين يامؤمن وجه للعبد لله
ومالو علي بلهجه توحي بالخطوه :-
عندك بزازات؟🤗
تسمرت في مكاني
وانا اتذكر النكته القديمه اياها
اعمل ايه اقوله عندي ولا لا
ومع الضغط النفسي
انفجرت في الضحك
وهو يقولي في ايه يادكتور؟
بتضحك ليه
ف لسه هاخد نفسي واتكلم يقولي ..بقولك عندك بزازات
اقوم منفجر تااااني
هااااااااااهاااااا
هو بقي :-لاحول ولا قوه الابالله هو في حاجه فيا بتضحك ؟
بدات اهدي اهو وتدخل زميلي بالكلام والاقيه بيقوله انا بقوله عندك بزازات بيضحك..وانا انفجرت تاني..هاااااهااااا
هو ..لو معندوش يقولي...انفجرت اكتر وعنيا دمعت من الضحك وقلت بصوت مبحوح لاااااا عندنا والله
بدا هو يبتسم كده ويقول ..في ايه؟
قلتله اسكت بس وانا اقولك
سكت
كل ماابصله مش قادر اوقف ضحك
اخيرا هديييت
قلتله معلش اصل حضرتك افتكرت نكته بس هي قبيحه شويه ...ده اللي كان بيضحكني ...اصر يعرفها
قولتله
كان في عيل صغيرعسل بيدخل الصيدليه يسال الصيدلي
عندك بزازات ليرد الصيدلي ببراءه عندي..ليرد الولد الخبيث..حطها في (تيييييييييييييت)
ليشتغل غضب الصيدلي لتمر الايام ويدخل الصبي مره اخره ليسال الصيدلي مره اخري
واللذي وعي الدرس السابق جيدا ليرد في كياسه تقطع خط الامل عندك الخصم
لا
ليفاجا برد الطفل
طب ماتجيب من اللي في (تيييييييييت)
هااااااااااااااهااااااااااهاااااااااااااهاااااااااهاااااااااااهاااااااااااهااا
هي ضحكه رددها معي الرجل وكل العاملين بالصيدليه وكل عملاء الصيدليه الاخرين والارض والطير والسماء ويا كل امراءه فقدت الاب والاخ..املؤو الارض بترانيم السلام"سادات استايل برضه"
وبعد هدوء الجو
اتعرفنا وبقينا اصحاب...اوشك الرجل علي الانصراف
قلتله ...مش عايز تشوف باقي البزازات اللي عندنا؟
هاهاهاها
قالي لالالا شكرا
قلتله ليه؟
انت عندك بزازات ولا ايه.؟بتلمهم من السوق بقي؟
هاهاهاها مش قادر يرد
كملت
قلتله لو مش عاندك..
قاطعني قالي هاااا قصدك ايه؟
انفجار ضحك في الصيدليه
قلتله فهمتني غلط
كنت هقولك لو مش عندك نبعتلك البيت
بصلي مش قادر يتكلم من الضحك
قلتله ...فهمت ..انت عندك بزازات بس مش في البيت بس في مكان تاني مش كده...لما انت عندك جاي تسال ليه؟اوعي تكون انت الواد ده وكبرت😉😁
انفجارات ضحك حسيت ان البزازات علي الرف بتضحك
المهم دلوقتي بقالي يومين بدور علي شغل جديد ..بعد ما الHR فتح الكاميرات ورغم كميه السعاده والبهجه اللي عملتهم في للمكان الا ان ده لم يشفعلي...ظلم😂😂
.........
تمت
ملحوظه كانت القصه صيدلي لايدخن 😁😁
0 comments:
Post a Comment