لازم الاول تكون سمعت اغنية منير ..الشتا
اللي كلماتها تمثلني تمام في فصل الشتاء وبعتبرها اغنية التتر بتاع حياتي في فصل الشتاء واللي كلمتها بتقول:-
بعد ما ادا وبعد وماخد.
بعد ماهد وبني واحتد.
شد لحاف الشتا من البرد.
بعد مالف وبعد ومادار.
بعد ماهدا وبعد ماثار.
بعد ماهدي واشتاق واحتار.
حط الدبله وحط الساعه..حد سجايرة والولاعه
علق حلمه علي الشماعه,,,,,,,,,,,الخ
كنت بحب الاغنية دي جدا وبغنيها كتير وانا باخد شاور لدرجه ان انا كنت بغني جوه وباقي افراد الاسرة الكريمه خفظوها وبقي يلحنو هما بره!
اول اغنية تغني للحاف اللي بعتبره الجندي المجهول اللي بتنهزم قدامه اعتي موجات البرد ..ده انجاز غير مسبوق يا منير
منير ..
كم تمثلني يارجل وكم تشبهني ابطال اغانيك
خلاااااااص يايوسف الفيزا طلعت.. هاانت كلها كام مشوار واسافر
طيبت خاطر نفسي وانا بصحي من النوم علي صوت عم زفت بتاع الروبابيكيا...هو طبعا ده اسم حركي انا اللي سميته به ...بالنسبه ليا انا بس طبعا
الحقيقه مش عم زفت بس اللي سلوكياته مضايقاني من الشارع المصري والحقيقه قررت اسمي كل حد ضايقني اسم حركي كعقاب له..بس هو عقاب سري..ليه؟لاني بقوله في سري بس.ومن هنا استمد التسميه
زي مافي عم زفت بتاع الروبابيكيا
في عم هباب اللي بيحط ايده علي جرس الباب مايتشلش الا وهو محروق وهو اسم مشترك يطلق علي محصل الكهربا والماء والغاز ووكل من تسول له نفسه انه يرن عشان عايز فلوس
في عم طين اللي كل شوية يعمل حفله في الشارع ويجيب رقاصات
في عم هباب الطين وهو اسم مركب لانه بيعمل تلك الحفلات الماجنه بالاضافه انه كان محصل فقررت اطلاق الاسم المركب عليه
وكان السؤال اللي دايما اسال نفسي هو ليه عم زفت بيعدي كلللللل يوم.بلاش اجابة السؤال ده..طيب ليه يعدي الساعه ٧ الصبح ؟ليه؟طيب ليه..هووب..طاااخ
بييييييييكياااااااااااااااااااااااااااااااا
وقعت من علي السرير
ليلتك سوده يازفت!
قمت فتحت باب الشقه ونزلت الشارع وبكل ضيقي وثورتي انقضيت عليه و مسكته من لياقتك ..اييه يااخي هو انا كل يوم اقوم من النوم علي صوتك ..روبابيكا ايه الساعه ٧ يابارد ..كل يوم بتيجي ومحدش بيعبرك بتيجي تاني يوم اييه الحاجه هتقدم فجاه ياعني؟؟؟وفجاه تخيلت نفسي في مسلسل الفرسان بطلع خنجر وبغرسه في رقبته
يااااه علي الراحه النفسيه وانا بشقه اتنين...ياااه
رد الفعل كان مفاجئ ليا بعض الشئ
صمت تاااام ..الراجل زي التمثال الخشب...الناس متسمره عيونها متركزه عليها...الناس في البلكونات طلعت كلها والعيون كلها ناحيتي..ممكن اكون بحلم؟؟؟العصافير بطلت تصوصو ...الكلاب بطلت تهوهو..سكوون تاااام ..عايز اصرخ واقول فيييه ايييه؟؟؟؟
في حاجه غلط
مستمر في ثورتي ..
صوت امي..يوووووووسيييييييف
فوقت..
ياااااختي
انا واقف بالبوكسر ابو....يااااةةختيييييه كمان مره
في ثانية نطيت جوه بيتنا وطلعت السلالم استقبلتنا امي بوابل من شتائم ..وتهزيق من النوع اللي يندي له الجبين
ليه كده يامصر...لييييية؟؟؟ ده انا دكتور وطول عمري محترم ( قصدي كنت محترم) كنتي استنيتي يومين كمان بس ..خير
لبست هدومي ونزلت مشيت في الشارع ...حاسس احساس الواحده اللي اتمسكت اداب وبعدين ماشية في شارعها...
اللي مضايقني ان البوكسر كان مميز جدا ومش هقول كان مميز ازاي هسيبها لخيال القارئ..
بكل ضيقي من حياتي وبكل قرف امتحانات الكلية وبكل زهق شوفته في النابطشيات حطيت ورقي علي مكتب ا.حنان
وقولك بصوت حاولت انه يطلع بلغه القرف نفسها:-
خلصيني بقي
ردت ببرود اذهب قرفي وابدله بذهول:- .
لما افطر الاول
لالا مصر مصممه اقتل حد!!
مش ممكن!!
امسك نفسك يايوسف ....خلاص الفيزا طلعت.........
طيب يا مدام حنان هستنا لما سعادتك تفطري واجي كمان ربع ساعه
استني رايح فين هفطر ازاي ..مش لازم حد يجيبلي الفطار؟
انتي تقصدي ان انا .....
ايوه
بكل ذهول الدنيا جهزت وصله رد من بتاعت الشوارع يتخللها شتايم من اللي بتنال من شرف الاب والام والعائله وبالمناسبه هي شتائم يعاقب عليها القانون...
امسك نفسك يايوسف..خلاص الفيزا طلعت..........
انتهي بي المطاف شايل اكياس محمله بالفول والطعمية والبيبسي..بمناسبة البيبسي كان في ناس عايزه بيبسي دايت...بجاحه
والمخلل وجبنه رومي.كان زمان بتاخد 50ج وبنخلص لزمتها ايه الفرهده بس؟
قبل ماتفطر مضت الورقه وكنت فاكر انها هتعملي جهد جبار وتستهلك من السعرات الحرارية مالم تقدر مراكز الجيم علي حرقه واكتشفت ان المطلوب من مدام حنان
هي مجرد امضاء..باسمها الكريم
امسك نفسك يايوسف ......التاشيره طلعت خلاص.....
خلصت ورقي وحجزت الطيران
ركبت المترو وانا مروح
اعتقد ان الشركه اللي اخترعت المترو نفسها هتذهل لما تشوف ان السعه بتاعته في مصر غير اي دوله في العالم..احنا بنطبق نظرية احشر نفسك في الحته الفاضية ...لو بناخد مقطع عرضي للمترو هتلاقي انك بتنظر لمجموعه رؤوس مفيش بينها فراغات!!!
كنت دايما والمترو بيمشي بحس الناس متعلقه من شعرها ..تحسهم بيتعذبو علي ذنوبهم كده كانو بيصعبو عليا الاول بعدين اتعودت علي منظرنا متبهدلين كده
الحقيقه ان المترو هو مجتمع داخل مجتمع
..تلاقي التعبان تلاقي قاعد
الوحيد تلاقيه واقف وساند راسه علي الزجاج بتاع الباب وحاطط السماعات
تلاقي مجموعات الاصحاب الظرفاء..هيصه
تلاقي الحبيبه تلاقيه واقف قدامها ساند بايده علي الباب اللي وراها
تلاقي الموظفين مشعلقين ايديهم في الخطاطيف المتدليه
تلاقي المغتربين واللي اول مره يركبو المترو ماسكين الورقه الصفرا او بيحاول يقف من غير مايمسك
تلاقي الباعه الجائلين
وكائنها سفينه نوح خدت من كل شرائح المجتمع
محطه الشهداء
سموها كده عشان شهداء ٢٥ يناير ولا عشان بيقع شهداء دايما في المحطه دي؟
الناس فريقين
فريق بداخل يجهز للخروج باي شكل
وفريق بالخارج بجهز للدخول باي شكل
حرب كل شئ فيها مباح
اللي ناقص بس كل الزي الموحد واعتقد بعد كده كل فريق هيبقي ليه اسلحته وممكن ببقي في شعارات من نوع(الخروج التام او الموت الزؤام) يرددها الفريق الخارج في حين..يرد الفريق الداخل(داخلين داخلين شايلين في ايدنا سلاح رافعين رافعين رايات النصر).اول مايتفتح الباب ,,,هجوم من الطرفين وعد الجثث بقي
نوع من الهلوسه السمعية البصرية بتحصل للواحد لما يقع تحت ضغوط معلش
انا في المطار
انا في الطياره
يااااااااااااااااه
الحرية
لحسن الحظ قعدت جنب الشباك
فتحت شباك الطيارة ابوص علي المكعبات الصغيرة المتاكله ..مصر
حسيتها مجهده تعبانه زهقانه من شكاوي البني ادمين اللي فيها زي ماحنا زهقانين بالظبط
بس مكنتش سعيد
كنت خايف وسعيد وحزين ...كانت مشاعر مش مفهومه
جه في بالي اسئله
ياتري البلد وحشه ولا الناس اللي وحشين؟
ليه حاسس بغربه ؟ليه زعلان والمفروض ان حلمي بيتحقق؟
هل انا هاجرت ولاهربت؟
هل ممكن نرجع بلدنا نعيش فيها مرتاحين ومحترمين مرة تانية؟
هل انا طهقان من ظروف بلد ولا انا بكرة البلد؟
هل كل حاجه فيكي يامصر وحشه واحنا اللي اتعودت عنينا تدور علي الوحش فيكي؟
هل فيها حاجه حلوه؟
اغنية ...فيها حاجه حلوه تصدع بداخلي الان
ولف وارجع تاني ياسطاااااا
جايلك ياعم زفت حقك عليا
تمت
اللي كلماتها تمثلني تمام في فصل الشتاء وبعتبرها اغنية التتر بتاع حياتي في فصل الشتاء واللي كلمتها بتقول:-
بعد ما ادا وبعد وماخد.
بعد ماهد وبني واحتد.
شد لحاف الشتا من البرد.
بعد مالف وبعد ومادار.
بعد ماهدا وبعد ماثار.
بعد ماهدي واشتاق واحتار.
حط الدبله وحط الساعه..حد سجايرة والولاعه
علق حلمه علي الشماعه,,,,,,,,,,,الخ
كنت بحب الاغنية دي جدا وبغنيها كتير وانا باخد شاور لدرجه ان انا كنت بغني جوه وباقي افراد الاسرة الكريمه خفظوها وبقي يلحنو هما بره!
اول اغنية تغني للحاف اللي بعتبره الجندي المجهول اللي بتنهزم قدامه اعتي موجات البرد ..ده انجاز غير مسبوق يا منير
منير ..
كم تمثلني يارجل وكم تشبهني ابطال اغانيك
خلاااااااص يايوسف الفيزا طلعت.. هاانت كلها كام مشوار واسافر
طيبت خاطر نفسي وانا بصحي من النوم علي صوت عم زفت بتاع الروبابيكيا...هو طبعا ده اسم حركي انا اللي سميته به ...بالنسبه ليا انا بس طبعا
الحقيقه مش عم زفت بس اللي سلوكياته مضايقاني من الشارع المصري والحقيقه قررت اسمي كل حد ضايقني اسم حركي كعقاب له..بس هو عقاب سري..ليه؟لاني بقوله في سري بس.ومن هنا استمد التسميه
زي مافي عم زفت بتاع الروبابيكيا
في عم هباب اللي بيحط ايده علي جرس الباب مايتشلش الا وهو محروق وهو اسم مشترك يطلق علي محصل الكهربا والماء والغاز ووكل من تسول له نفسه انه يرن عشان عايز فلوس
في عم طين اللي كل شوية يعمل حفله في الشارع ويجيب رقاصات
في عم هباب الطين وهو اسم مركب لانه بيعمل تلك الحفلات الماجنه بالاضافه انه كان محصل فقررت اطلاق الاسم المركب عليه
وكان السؤال اللي دايما اسال نفسي هو ليه عم زفت بيعدي كلللللل يوم.بلاش اجابة السؤال ده..طيب ليه يعدي الساعه ٧ الصبح ؟ليه؟طيب ليه..هووب..طاااخ
بييييييييكياااااااااااااااااااااااااااااااا
وقعت من علي السرير
ليلتك سوده يازفت!
قمت فتحت باب الشقه ونزلت الشارع وبكل ضيقي وثورتي انقضيت عليه و مسكته من لياقتك ..اييه يااخي هو انا كل يوم اقوم من النوم علي صوتك ..روبابيكا ايه الساعه ٧ يابارد ..كل يوم بتيجي ومحدش بيعبرك بتيجي تاني يوم اييه الحاجه هتقدم فجاه ياعني؟؟؟وفجاه تخيلت نفسي في مسلسل الفرسان بطلع خنجر وبغرسه في رقبته
يااااه علي الراحه النفسيه وانا بشقه اتنين...ياااه
رد الفعل كان مفاجئ ليا بعض الشئ
صمت تاااام ..الراجل زي التمثال الخشب...الناس متسمره عيونها متركزه عليها...الناس في البلكونات طلعت كلها والعيون كلها ناحيتي..ممكن اكون بحلم؟؟؟العصافير بطلت تصوصو ...الكلاب بطلت تهوهو..سكوون تاااام ..عايز اصرخ واقول فيييه ايييه؟؟؟؟
في حاجه غلط
مستمر في ثورتي ..
صوت امي..يوووووووسيييييييف
فوقت..
ياااااختي
انا واقف بالبوكسر ابو....يااااةةختيييييه كمان مره
في ثانية نطيت جوه بيتنا وطلعت السلالم استقبلتنا امي بوابل من شتائم ..وتهزيق من النوع اللي يندي له الجبين
ليه كده يامصر...لييييية؟؟؟ ده انا دكتور وطول عمري محترم ( قصدي كنت محترم) كنتي استنيتي يومين كمان بس ..خير
لبست هدومي ونزلت مشيت في الشارع ...حاسس احساس الواحده اللي اتمسكت اداب وبعدين ماشية في شارعها...
اللي مضايقني ان البوكسر كان مميز جدا ومش هقول كان مميز ازاي هسيبها لخيال القارئ..
بكل ضيقي من حياتي وبكل قرف امتحانات الكلية وبكل زهق شوفته في النابطشيات حطيت ورقي علي مكتب ا.حنان
وقولك بصوت حاولت انه يطلع بلغه القرف نفسها:-
خلصيني بقي
ردت ببرود اذهب قرفي وابدله بذهول:- .
لما افطر الاول
لالا مصر مصممه اقتل حد!!
مش ممكن!!
امسك نفسك يايوسف ....خلاص الفيزا طلعت.........
طيب يا مدام حنان هستنا لما سعادتك تفطري واجي كمان ربع ساعه
استني رايح فين هفطر ازاي ..مش لازم حد يجيبلي الفطار؟
انتي تقصدي ان انا .....
ايوه
بكل ذهول الدنيا جهزت وصله رد من بتاعت الشوارع يتخللها شتايم من اللي بتنال من شرف الاب والام والعائله وبالمناسبه هي شتائم يعاقب عليها القانون...
امسك نفسك يايوسف..خلاص الفيزا طلعت..........
انتهي بي المطاف شايل اكياس محمله بالفول والطعمية والبيبسي..بمناسبة البيبسي كان في ناس عايزه بيبسي دايت...بجاحه
والمخلل وجبنه رومي.كان زمان بتاخد 50ج وبنخلص لزمتها ايه الفرهده بس؟
قبل ماتفطر مضت الورقه وكنت فاكر انها هتعملي جهد جبار وتستهلك من السعرات الحرارية مالم تقدر مراكز الجيم علي حرقه واكتشفت ان المطلوب من مدام حنان
هي مجرد امضاء..باسمها الكريم
امسك نفسك يايوسف ......التاشيره طلعت خلاص.....
خلصت ورقي وحجزت الطيران
ركبت المترو وانا مروح
اعتقد ان الشركه اللي اخترعت المترو نفسها هتذهل لما تشوف ان السعه بتاعته في مصر غير اي دوله في العالم..احنا بنطبق نظرية احشر نفسك في الحته الفاضية ...لو بناخد مقطع عرضي للمترو هتلاقي انك بتنظر لمجموعه رؤوس مفيش بينها فراغات!!!
كنت دايما والمترو بيمشي بحس الناس متعلقه من شعرها ..تحسهم بيتعذبو علي ذنوبهم كده كانو بيصعبو عليا الاول بعدين اتعودت علي منظرنا متبهدلين كده
الحقيقه ان المترو هو مجتمع داخل مجتمع
..تلاقي التعبان تلاقي قاعد
الوحيد تلاقيه واقف وساند راسه علي الزجاج بتاع الباب وحاطط السماعات
تلاقي مجموعات الاصحاب الظرفاء..هيصه
تلاقي الحبيبه تلاقيه واقف قدامها ساند بايده علي الباب اللي وراها
تلاقي الموظفين مشعلقين ايديهم في الخطاطيف المتدليه
تلاقي المغتربين واللي اول مره يركبو المترو ماسكين الورقه الصفرا او بيحاول يقف من غير مايمسك
تلاقي الباعه الجائلين
وكائنها سفينه نوح خدت من كل شرائح المجتمع
محطه الشهداء
سموها كده عشان شهداء ٢٥ يناير ولا عشان بيقع شهداء دايما في المحطه دي؟
الناس فريقين
فريق بداخل يجهز للخروج باي شكل
وفريق بالخارج بجهز للدخول باي شكل
حرب كل شئ فيها مباح
اللي ناقص بس كل الزي الموحد واعتقد بعد كده كل فريق هيبقي ليه اسلحته وممكن ببقي في شعارات من نوع(الخروج التام او الموت الزؤام) يرددها الفريق الخارج في حين..يرد الفريق الداخل(داخلين داخلين شايلين في ايدنا سلاح رافعين رافعين رايات النصر).اول مايتفتح الباب ,,,هجوم من الطرفين وعد الجثث بقي
نوع من الهلوسه السمعية البصرية بتحصل للواحد لما يقع تحت ضغوط معلش
انا في المطار
انا في الطياره
يااااااااااااااااه
الحرية
لحسن الحظ قعدت جنب الشباك
فتحت شباك الطيارة ابوص علي المكعبات الصغيرة المتاكله ..مصر
حسيتها مجهده تعبانه زهقانه من شكاوي البني ادمين اللي فيها زي ماحنا زهقانين بالظبط
بس مكنتش سعيد
كنت خايف وسعيد وحزين ...كانت مشاعر مش مفهومه
جه في بالي اسئله
ياتري البلد وحشه ولا الناس اللي وحشين؟
ليه حاسس بغربه ؟ليه زعلان والمفروض ان حلمي بيتحقق؟
هل انا هاجرت ولاهربت؟
هل ممكن نرجع بلدنا نعيش فيها مرتاحين ومحترمين مرة تانية؟
هل انا طهقان من ظروف بلد ولا انا بكرة البلد؟
هل كل حاجه فيكي يامصر وحشه واحنا اللي اتعودت عنينا تدور علي الوحش فيكي؟
هل فيها حاجه حلوه؟
اغنية ...فيها حاجه حلوه تصدع بداخلي الان
ولف وارجع تاني ياسطاااااا
جايلك ياعم زفت حقك عليا
تمت
0 comments:
Post a Comment